انت عمري كلمات – مختصر

انت عمري كلمات، ام كلثوم هي ممثلة ومطربة  مصرية مشهورة لقبت  “سيدة الغناء العربي”، و”كوكب الشرق” نشرت ام كلثوم حوالي  320 أغنية حيث يطرب الجميع لسماع اغانيها لما ما تعبر عن مشاعر واحاسيس عاطفية ومن هذه الاغاني اغنية انت عمري، وفي هذا المقال سنتعرف على كلمات هذه الاغنية.

انت عمري كلمات

اغنية انت عمري من اشهر وابرز اغاني الفنانة ام كلثوم التي يبحث عنها الكثير من عشاق ام كلثوم عبر الانترنت، حيث ان الانترنت يضم الكثير من الاغاني الخاصة بالفنانة الرائعة ام كلثوم، وسنعرض لكم كلمات هذا المقال وهي كالتالي:

رجعوني عنيك لأيامي اللي راحوا
علموني أندم على الماضي وجراحه
اللي شفته قبل ما تشوفك عنيه
عمر ضايع يحسبوه إزاي عليّ
انت عمري اللي ابتدي بنورك صباحه

قد ايه من عمري قبلك راح وعدّى
يا حبيبي قد ايه من عمري راح
ولا شاف القلب قبلك فرحة واحدة
ولا داق في الدنيا غير طعم الجراح
ابتديت دلوقت بس أحب عمري
ابتديت دلوقت اخاف لا العمر يجري
كل فرحه اشتاقها من قبلك خيالي
التقاها في نور عنيك قلبي وفكري
يا حياة قلبي يا أغلى من حياتي
ليه ما قابلتش هواك يا حبيبي بدري
اللي شفته قبل ما تشوفك عنيه
عمر ضايع يحسبوه إزاي عليّ
انت عمري اللي ابتدي بنورك صباحه

الليالي الحلوه والشوق والمحبة
من زمان والقلب شايلهم عشانك
دوق معايا الحب دوق حبه بحبه
من حنان قلبي اللي طال شوقه لحنانك
هات عنيك تسرح في دنيتهم عنيه
هات ايديك ترتاح للمستهم ايديه
يا حبيبي تعالى وكفاية اللي فاتنا
هو اللي فاتنا يا حبيب الروح شويه
اللي شفته قبل ما تشوفك عنيه
عمر ضايع يحسبوه إزاي عليّ
انت عمري اللي ابتدي بنورك صباحه
يا حبيبي تعالى وكفاية اللي فاتنا
هو اللي فاتنا يا حبيب الروح شويه
اللي شفته قبل ما تشوفك عنيه
عمر ضايع يحسبوه إزاي عليّ
انت عمري اللي ابتدي بنورك صباحه

يا أغلى من أيامي
يا أحلى من أحلامي
خدني لحنانك خدني
من الوجود وابعدني
بعيد بعيد أنا وانت
بعيد بعيد وحدينا
ع الحب تصحى أيامنا
ع الشوق تنام ليالينا
صالحت بيك ايامي
سامحت بيك الزمن
نستني بيك آلامي
ونسيت معاك الشجن
ودعوني عنيك للأيامي اللي راحوا
علموني أندم على الماضي وجراحه
اللي شفته قبل ما تشوفك عنيه
عمر ضايع يحسبوه إزاي علي.

أغنية امل حياتي كلمات

ام كلثوم من اشهر المغنيات في العصر الذهبي الجميل، حيث يعشقها الكثير من الاشخاص سواء في مصر او الوطن العربي، من اغاني المطربة ام كلثوم اغنية امل حياتي وسنعرض لكم كلمات هذه الاغنية وهي كالآتي:

أمل حياتى ياحب غالى ما ينتهيش
يا أحلى غنوه سمعها قلبي ولا تتنسيش
خد عمرى كله بس النهارده خلينى أعيش
خلينى جنبك فى حضن قلبك
وسيبنى أحلم ياريت زمانى يا ريت زماني ما يصحينيش
أملى … حياتى … عينيه يا أغلى منّى عليّه
يا حبيبى امبارح و حبيب دلوقتِ
ياحبيبى لبكره ولآخر وقتى
أحكى لى قوللى
إيه من الأمانى ناقصنى تانى وأنا بين ايديك
عمرى ما دقت حنان فى حياتى زى حنانك
و لاحبيت ياحبيبى حياتى إلا علشانك
و قابلت آمالى وقابلت الدنيا وقابلت الحب
اول ما قابلتك واديتك قلبى يا حياة القلب
أكتر من الفرح ده ما احلمش أكتــر من اللى أنا فيه ما أطلبش
بعد هنايا معاك يا حبيبى لو راح عمرى أنا مااندمش
وكفايه أصحى على ابتسامتك بتقوللى اعيش
أسمعها غنوه تقول لحبى ما ينتهيش
خلينى جنبك فى حضن قلبك
وسيبنى أحلم ياريت زمانى مايصحينيش
يللى حبك خلى كل الدنيا حب
يللى قربك صحى عمر وصحى قلب
وانت معايا يصعب علىّ رمشة عينيه ولا حتى ثانيه
يصعب علىّ ليغيب جمالك ويغيب دلالك ولو شويه
قد كده باشتاق إليك قد كده ملهوف عليك
نفسى أنده لك بكلمة ماتقالتش لحد تانى
كلمة قد هواك ده كله قد أشواقى وحنانى
كلمة زيك واللى زيك فين؟
دا أنت زيك ما اتخلقش أتنين
وكفاية أصحى على ابتسمتك بتقوللى اعيش
أسمعها غنوه تقول لحبى ماينتهيش
خلينى جنبك فى حضن قلبك
وسيبنى أحلم ياريت زمانى ما يصحينيش
ياحبيبى مهما طال عمرى معاك برضه ايامه قليله
دى السعادة والحنان اللى فى هواك ما يقضيهاش أجيال طويلة
حبك يا حبيبى ملا قلبى وفكرى
بينوّر ليلى ويطوّل عمرى
بيزيد بيزيد فى غلاوته دايمأ بيزيد
وتملي جديد فى حلاوته وتملى جديد
إنت خليتنى أعيش الحب وياك الف حب
كل نظره إليك احبك من جديد وأفضل أحب
أنا حبيت فى عينيك الدنيا كل الدنيا حتى عوازلى او حسادى
كل الناس حلوين فى عينيه حلوين
طول ما عينيه شايفه الدنيا وأنت قصادى
وأنام وأصحى على شفايفك بتقوللى اعيش
أسمعها غنوه تقول لحبى ماينتهيش
خلينى جنبك فى حضن قلبك
وسيبنى احلم ياريت زمانى ما يصحينيش.

انت عمري كلمات، وفي هذا المقال لقد كتبنا لكم كلمات اغنية انت عمري، كما كتبنا لكم  كلمات اغنية امل حياتي، وهاتين الاغنيتان للفنانة الرائعة ام كلثوم رحمها الله.